അവളിതാ യാത്ര പോകുന്നു.

കവിത 

.....................................

ഇരുളിന്റെ അന്തതയിലേക്ക്

പിശാചുകളുടെ കോട്ടയിലേക്ക് 

ശവങ്ങളുടെ ഗന്ധതിലേക്ക് 

അവളിതാ യാത്ര പോകുന്നു 

അവളിതാ യാത്ര പോകുന്നു 

   ഭൂതകാലത്തെ വർണ്ണശലഭങ്ങൾ 

   പെയ്തിറങ്ങിയ തേൻമഴകൾ

   തിളങ്ങിയ നിൻ കണ്‍പീലികൾ

   ഇരുളിൽ അലയുന്നു... ഇരുളിൽ അലയുന്നു...

   ഇരുട്ടിലെ മിന്നൽ വെളിച്ചത്തിൽ

   അവളാരോടോ പറയുന്നു

   മരണമാണെൻ മോക്ഷം

   പ്രെമമാണെൻ ശാപം

ഹൃദയം നല്കാമെന്നും
സ്നേഹം നല്കാമെന്നും മോഴിഞ്ഞവർ
അവരുടെ ഉള്ളിലെ വികാരത്തിൽ
ബന്ദിയായി മാറിനീ
ബന്ദിയായി മാറിനീ


   കാമത്തിൻ ചവറ്റുകൊട്ടയിൽ
   ആനന്ദങ്ങൾ അലയടിച്ചപ്പോൾ
   നിൻ ഉദരത്തിലെ ചലനങ്ങളെ
   നീ കണ്ടുവോ...
   അതോ കണ്ടില്ലെന്നു നടിച്ചുവോ...


സ്നേഹം നൽകിയവർ
ഉള്ളിലെ മോഹം തീർന്നപ്പോൾ
കണ്മുന്നിൽ കരയുന്നവളെ
കണ്ടില്ലെന്നു നടിച്ചവർ  പോകുന്നു
പുതിയൊരു ബന്ധത്തിലേക്ക്
പുതിയൊരു മോഹത്തിലെക്ക്‌


   ഒരു കഷ്ണം തൂക്കുകയറിൽ
   മുറ്റത്തെ മരക്കൊമ്പിൽ
   ആടിയുലയുന്നവൾ ആടിയുലയുന്നു
   മരണമെന്ന അന്ത്യത്തിലേക്ക്
   അവളിതാ യാത്ര പോകുന്നു
   അവളിതാ യാത്ര പോകുന്നു.

ദൃശ്യം

           ബൈക്കപകടം നടന്നിടത്തേക്ക് ജനങ്ങള്‍ ഓടിക്കൂടുന്നു. ചോരയില്‍ കുളിച്ച യുവാവ് കുറേ ക്യാമറക്ക്‌ മുന്നില്‍ പോസ് ചെയ്യുന്നു. അവന്റെ നിണം പൊട്ടിയ കൈകള്‍ നീട്ടി രക്ഷക്കായ്‌ കേണപേക്ഷിക്കുന്നു. കൈയ്യിലെ മൊബൈല്‍ നീട്ടി ചുറ്റും നിന്നവര്‍ ദൃശ്യം പകര്‍ത്തുന്നു. പിന്നീട്, അവന്റെ അവസാന ശ്വാസം പകര്‍ത്തിയ ഈ ദൃശ്യമാണത്രെ യൂടൂബില്‍ റെക്കോര്‍ഡിട്ടത്.

മരണപ്പാച്ചില്‍

                 ഒരു പെരുമഴ തോര്‍ന്ന നേരം. റോഡില്‍ വെള്ളം കെട്ടിനില്‍ക്കുന്നു. ഞാന്‍ റോഡരികിലൂടെ കാല്‍നടയായി പോകുകയാണ്. പെട്ടെന്ന് ചീറിപ്പഞ്ഞുപോയ ഒരു ബൈക്ക് എന്റെ ദേഹത്തേക്ക് ചെളി തെറിപ്പിച്ചു. ഞാന്‍ തിരിഞ്ഞുനിന്ന് തെറി പറഞ്ഞെങ്കിലും അവന്‍ കേട്ടിട്ടുണ്ടാവില്ല. കാരണം അവന്‍ ഫോണില്‍ സംസാരിക്കുകയാണ്. ചരമകോളത്തില്‍ നേരത്തെ സ്ഥാനം പിടിക്കാനുള്ള മരണപ്പാച്ചിലിലാണവന്‍.

എന്റെ വചനങ്ങള്‍

ഏകനു വലിയ സ്നേഹത്തിന്റെ വിലയറിയാം; നിസ്വാര്‍ത്ഥന് ചെറിയ സ്നേഹം അനുഭവിക്കാം; സ്വാര്‍ത്ഥന് സ്നേഹം എന്താണെന്നു പോലും അറിയില്ല..!

-----------------------------

നന്മക്ക് വേണ്ടി പോരാടുക; അല്ലെങ്കില്‍, പോരാടുന്നവരെ പ്രോത്സാഹിപ്പിക്കുക; അല്ലെങ്കില്‍, പോരാടാന്‍ അനുവദിക്കുക.

--------------------------

ഒരു നന്മ ചെയ്യുന്നതിനേക്കാള്‍ നല്ലത് ഒരു തെറ്റ് തിരുത്തലാണ്.

----------------------------

ഓരോ തോല്‍വിയും വിജയത്തിനുള്ള പാഠം പഠിപ്പിക്കുന്നു.

------------------------------

ഗുണം പരിശ്രമത്തിനനുസരിച്ച്

------------------------------

ആഗ്രഹമുള്ളവനെ ദുഃഖമൊള്ളൂ

----------------------------

പ്രവൃത്തിയിലെ പ്രാധാന്യം വാക്കിനില്ല..!

---------------------------

പരിശ്രമം വിജയത്തിന്റെ പാതയാണ്.

----------------------------

അസഹ്യപ്പെടുത്താതിരിക്കലും ഒരു സ്നേഹമാണ്.

------------------------------

പ്രണയം വേദനിപ്പിച്ചാല്‍ സൗഹൃദം ആശ്വസിപ്പിക്കും.

------------------------------

പരാജയം പരിശ്രമിക്കാത്തത് കൊണ്ടാവരുത്.

-----------------------------

നന്മയെ സമ്പത്ത് തോല്പ്പിക്കുകയില്ല.